«Լիվերպուլը» տեսանյութ է հրապարակել, որտեղ Մոհամեդ Սալահը, Կաոմհին Կելլեհերը և Հարվի Էլիոթը դիտում են հանդիպումներից տեսանյութեր: Մի դրվագում Սալահը կտրող փոխանցում կատարեց Էլիոթին, որից հետո կիսապաշտպանը դարձավ գոլի հեղինակ։
Եգիպտացին կատակով վազեց իր խաղընկերոջ կողմը, քանի որ նա չվազեց շնորհակալություն հայտնելու գերազանց փոխանցման համար։
«Տեսեք, թե ով է նրան փոխանցել: Տեսեք, թե որքան հեշտ է. Ֆուտբոլը հեշտ է»,- պարծենում է Սալահը: Աստղային ֆուտբոլիստը հարցրել է, թե ինչու Էլիոթը չի վազել իր մոտ և նույնիսկ կատակել է, որ երախտագիտության պակասի պատճառով այլևս չի փոխանցի գնդակը։
Էլիոթը պատասխանել է, որ չի տեսնում, թե ումից է ստանում փոխանցումը: Այնուհետեւ Սալահը շարունակեց պարծենալ։
«Այո, բայց թիմում չկա մեկ ուրիշը, ով կարող էր նման փոխանցում տալ։ Այնպես որ, հաստատ ես էի, սակայն եթե նա շարունակի դա չնկատել, ես նրան այլևս փոխացում չեմ կատարելու»,- կատակել է Սալահը:
Սոցցանցերում երկրպագուները քննադատել են Սալահին ամբարտավանության համար: Հիշեցնենք, որ Մոհամեդ Սալահը ճանաչվել է Անգլիայի Պրեմիեր լիգայի նոյեմբերի լավագույն ֆուտբոլիստ։
