«Սանդերլենդի» կիսապաշտպան Ջոբ Բելինգհեմը կարող է տեղափոխվել եվրոպական բարձրակարգ ակումբ։ Այս մասին հայտնում են TBR Football-ը։
Աղբյուրի համաձայն՝ 19-ամյա կիսապաշտպանի ծառայություններով հետաքրքրված են Մադրիդի «Ռեալն» ու Դորտմունդի «Բորուսիան»։
Նշենք, որ Ջոբի ավագ եղբայրը՝ Ջուդ Բելինգհեմը, խաղում է «արքայական» ակումբում։ Այս մրցաշրջանում Բելինգհեմ կրտսերը անցկացրել է 17 հանդիպում՝ դառնալով չորս գոլի և 4 գոլային փոխանցման հեղինակ։
Transfermarkt պորտալի փորձագետների կարծիքով՝ խաղացողի շուկայական արժեքը կազմում է 12 միլիոն եվրո։
