«Լիվերպուլի» գլխավոր մարզիչ Արնե Սլոտը խոսել է Լոնդոնի «Չելսիի» խաղամակարդակի մասին։
«Լիվերպուլը» 35 միավորով գլխավորում է մրցաշարային աղյուսակը, իսկ «Չելսին» 31 միավորով երկրորդն է՝ մեկ հանդիպում ավել անցկացնելով:
«Միգուցե «Չելսիի» դեմ խաղը միակ դեպքն է, երբ ես զգացի, որ մրցակիցը մեզնից լավն է։ Դա չի նշանակում, որ նրանք երկարաժամկետ հեռանկարում գերազանցում են մեզ, բայց այդ խաղում նրանք ավելի լավ էին տիրապետում գնդակին և մեզ ավելի շատ խնդիրներ առաջացրեցին, քան մինչ օրս ցանկացած այլ մրցակից:
Չեմ ենթադրում դատել, թե որտեղ կլինի «Չելսին» մրցաշրջանի վերջում։ Ես պետք է կենտրոնանամ «Լիվերպուլի» վրա, բայց «Չելսին» մինչ այժմ տպավորիչ է եղել, դա միանշանակ է», – հաղորդում է լրագրող Նիզաար Կինսելլան:
Հիշեցնենք, որ հոկտեմբերի 20-ին մերսիսայդցիները «Էնֆիլդում» 2:1 հաշվով հաղթեցին Էնցո Մարեսկիի թիմին։
