«Արսենալը» տարբերակներ է ուսումնասիրում կազմն ուժեղացնելու համար: Ինչպես հաղորդում է Transfer News Live-ը, լոնդոնյան ակումբը հետաքրքրված է «Վեսթ Հեմի» ֆուտբոլիստ Մոհամեդ Կուդուսով:
Հունվարին «Վեսթ Հեմը» կարող էր վաճառել Կուդուսին մոտավորապես 80 միլիոն ֆունտ ստերլինգով (մոտ 97 միլիոն եվրո՝ ներկայիս փոխարժեքով): Սա առաջին դեպքը չէ, երբ խոսակցությունները 24-ամյա Կուդուսին կապում են թոփ-ակումբների հետ:
2024/2025 մրցաշրջանում գանացին 12 պաշտոնական հանդիպում է անցկացրել «Վեսթ Հեմի» կազմում, որոնցում դարձել է երկու գոլի և երկու գոլային փոխանցման հեղինակ։ Կուդուսը «Վեսթ Հեմում» հանդես է գալիս 2023 թվականի ամառվանից՝ «Այաքսից» տեղափոխվելուց հետո։
