Նախքան անցյալ ամառ հարձակվող Կիլիան Մբապպեի հետ պայմանագիր կնքելը, Մադրիդի «Ռեալը» մի քանի զեկույցներ ստացավ ֆուտբոլիստի ֆիզիկական վիճակի մասին՝ ցույց տալով նրա բոլոր ցուցանիշների անկումը 2018 թվականից ի վեր, երբ ֆրանսիացին ճանաչվեց աշխարհի առաջնության լավագույն ֆուտբոլիստներից մեկը։ Այս մասին հայտնում է Relevo-ն։
Ըստ աղբյուրի, ակումբի ստացած զեկույցների տվյալները ցույց են տալիս, որ մրցաշրջանից մրցաշրջան Մբապպեի ցուցանիշները, ինչպիսիք են անցած հեռավորությունը, գործողությունների ինտենսիվությունը և արագությունը, վատթարացել են։ Չնայած դրան, «Արքայական» ակումբը կասկած չուներ հարձակվողի հետ պայմանագիր կնքելու հնարավորության մեջ և կարծում էր, որ նա կբարելավի իր ներկայիս մարզավիճակը։
Հիշեցնենք, որ Մբապպեն «Ռեալ» է տեղափոխվել ընթացիկ մրցաշրջանի մեկնարկից առաջ։ 25-ամյա ֆուտբոլիստը բոլոր մրցաշարերում ակումբի կազմում անցկացրած 17 խաղում դարձել է 8 գոլի և 2 գոլային փոխանցման հեղինակ։
