«Մանչեսթեր Սիթիի» կիսապաշտպան և 2024 թվականի «Ոսկե գնդակի» դափնեկիր Ռոդրին պատմել է Մադրիդի «Ռեալի» հետ հնարավոր բանակցությունների մասին
«Ի՞նչ կլինի, եթե «Ռեալն» ինձ կանչի: Ակնհայտ է, որ երբ քեզ կանչում է «Ռեալը»՝ պատմության լավագույն և ամենահաջողակ ակումբը, դա պատիվ է: Միշտ պետք է ուշադիր լինել»,- Ռոդրիի խոսքերն է մեջբերում իսպանական El Larguero հրատարակությունը։
Ավելի վաղ հաղորդվում էր, որ մադրիդյան ակումբը հետաքրքրված է Ռոդրիին 2025 թվականի ամռանը ձեռք բերելով։
Հիշեցնենք, որ Ռոդրին դարձել է 1960 թվականից ի վեր «Ոսկե գնդակի» առաջին իսպանացի դափնեկիրը։
Ռոդրին այս մրցաշրջանում երեք խաղ է անցկացրել, նախքան ծնկի խաչաձեւ կապանների վնասվածք ստանալը:
