Պեպ Գվարդիոլան «Թոթենհեմի» դեմ խաղից առաջ կայացած մամուլի ասուլիսի ժամանակ խոսել է լրագրողների հետ։
«Մանչեսթեր Սիթիի» մարզիչը խոսել է «Քաղաքայինների» հետ պայմանագիրը երկարաձգելու մասին։
«Ես զգում էի, որ պետք է մնամ այստեղ: Իհարկե, քանի որ ակումբը ցանկանում էր ինձ պահել։ Պատճառները պարզ են՝ արդյունքները, և նաև այն, որ մենք վաղուց ենք ճանաչում միմյանց։
Իմ բոլոր որոշումները հիմնված էին այն բանի վրա, թե ինչ էի զգում այս պահին: Ես ինձ նախապես չեմ համոզում, բայց ես որոշեցի մնալ այստեղ և երկու ժամից պայմանավորվեցինք ամեն ինչի մասին»,- ասել է Գվարդիոլան։
Ինչպես գիտեք, Պեպ Գվարդիոլայի նոր պայմանագիրը «Մանչեսթեր Սիթիի» հետ նախատեսված է մինչև 2026/2027 մրցաշրջանի ավարտը։
