«Մանչեսթեր Սիթիի» հարձակվող Էրլինգ Հոլանդը մեկնաբանել է թիմի գլխավոր մարզիչ Պեպ Գվարդիոլայի հետ պայմանագրի երկարաձգումը։

«Գվարդիոլան աշխարհի լավագույն մարզիչն է: Եվ հավանաբար լավագույնը, որ երբևէ գոյություն է ունեցել:

Ես շատ բան եմ սպասում նրա հետ աշխատելուց, և նա ամեն վայրկյան արդարացնում է այդ սպասումները: Ես շատ երջանիկ եմ»,- նորվեգացու խոսքերն է մեջբերում Sky Sports-ը։

Հիշեցնենք, որ նոյեմբերի 21-ին «քաղաքաբնակները» հայտարարեցին 53-ամյա մասնագետի հետ պայմանագրի երկարաձգման մասին։ Նոր պայմանագիրը նախատեսված է մինչև 2026 թվականի ամառ ևս մեկ տարով երկարաձգելու հնարավորությամբ։