Ֆրանսիացի նախկին ֆուտբոլիստ Էմանուել Պետին ցանկանում է, որ «Չելսիի» հարձակվող Քրիստոֆեր Նկունկուն տեղափոխվի «Մանչեսթեր Յունայթեդ»:
27-ամյա ֆուտբոլիստը Էնցո Մարեսկայի գլխավորությամբ հազվադեպ է լինեւոմ մեկնարկային կազմում: Խոսակցություններ կան նրա՝ այլ ակումբ հնարավոր տեղափոխության մասին, իսկ «Մանչեսթեր Յունայթեդը» համարվում է նրան գնելու հավակնորդներից մեկը:
«Ռուբեն Ամորիմը հստակ փիլիսոփայություն ունի։ Նա հստակ գիտի, թե ինչ է ուզում խաղացողներից: Նրան խելացի ֆուտբոլիստներ են պետք, և Նկունկուն նրանցից մեկն է: Նա կարող է մեծ առավելություն լինել թիմի համար՝ հաշվի առնելով հարձակվողների և եզրայինների հետ կապվելու իր կարողությունը:
Նայելով «Մանչեսթեր Յունայթեդի» հանդերձարանին՝ կարող ենք վստահորեն ասել, որ Նկունկուի գալը շատ բան կփոխի»,- Պետիի խոսքերն է մեջբերում Goal-ը։
