«Լիվերպուլի» աջ պաշտպան Տրենտ Ալեքսանդր-Առնոլդը հակված է երկարաձգել պայմանագիրն իր ակումբի հետ։

25-ամյա ֆուտբոլիստի պայմանագրի ժամկետը լրանում է հաջորդ տարվա հունիսի վերջին, ինչից մտադիր է օգտվել Մադրիդի «Ռեալը»։

Ինչպես հաղորդում է Football Insider-ը, իսպանական գրանդին դժվար կլինի համոզել անգլիացուն՝ նա նախընտրում է երկարաձգել պայմանագիրը «Լիվերպուլի» հետ և շարունակել հանդես գալ հարազատ ակումբում։

Ֆուտբոլիստը երջանիկ է «Էնֆիլդում», ուստի նա ոչ մի տեղ տեղափոխվելու ցանկություն չունի, նույնիսկ եթե խոսքը «Ռեալի» մասին է։