«Մանչեսթեր Յունայթեդի» նախկին մարզիչ Ժոզե Մոուրինյուն խոսել է անգլիական ակումբի կիսապաշտպան Ջեյդոն Սանչոյի իրավիճակի մասին։ Նա ավարտված մրցաշրջանը վարձավճարով անցկացրել է Դորտմունդի «Բորուսիայում»։
«Սանչոն սխալներ թույլ տվեց, բայց Էրիկ տեն Հագը նույնպես չկարողացավ լավագույնս ստանալ նրանից: Մենք գիտենք, թե որքան տաղանդավոր է ֆուտբոլիստը, գիտենք, թե ինչի է նա ընդունակ, դրանում կասկած չկա»,- մասնագետի խոսքն է մեջբերել The Independent-ը։
Սանչոն Դորտմունդի «Բորուսիայում» հանդես է եկել 2017 թվականի օգոստոսից մինչև 2021 թվականի հուլիսը, որից հետո տեղափոխվել է «Մանչեսթեր Յունայթեդ»։
2024 թվականի հունվարին գերմանական ակումբը վարձակալեց կիսապաշտպանին մինչև 2023/24 մրցաշրջանի ավարտը։ Ֆուտբոլիստը թիմի կազմում բոլոր մրցաշարերում անցկացրել է 20 հանդիպում, դարձել 3 գոլի և 3 գոլային փոխանցման հեղինակ։
