Անգլիայում ընտրություններից առաջ առաջարկել են հեռուստատեսությամբ անվճար ցուցադրել Պրեմիեր լիգայի հանդիպումները։
Լիբերալ-դեմոկրատները՝ Բրիտանիայի երրորդ ամենահայտնի կուսակցությունը, խոստանում են Պրեմիեր լիգայի 10 հանդիպում ցուցադրել հանրային ալիքներով, եթե նրանք հաղթեն հուլիսին կայանալիք խորհրդարանական ընտրություններում:
Lib Dems-ն ասում է, որ երկրպագուները, ովքեր ցանկանում են խաղեր դիտել հեռուստացույցով, պետք է տարեկան հարյուրավոր ֆունտ վճարեն, քանի որ խաղերը ցուցադրվում են բաժանորդային տարբեր հարթակներում, ներառյալ Sky Sports-ը , TNT Sports-ը և Amazon Prime Video-ը:
Բացի այդ, նրանք խոստացել են, BBC-ի և ITV-ի եթերում Պրեմիեր լիգայի 10 խաղերից բացի , ցուցադրել նաև Շոտլանդիայի առաջնության 10 և առաջնության 20 խաղ։
Կուսակցությունը BBC-ին բացատրեց, որ ծրագրերն իրագործելու համար կփոխի 1996թ. հեռարձակման մասին օրենքը, որը թվային, մշակույթի, լրատվամիջոցների և սպորտի հարցերով պետքարտուղարին իրավունք է տալիս թվարկել «ազգային շահ» մարզական իրադարձությունները:
Այս մարզական իրադարձությունները հեռարձակելու իրավունքները պետք է առաջարկվեն անվճար հեռարձակվող խոշոր հեռարձակողներին «արդար և ողջամիտ պայմաններով»: Դրա համար կպահանջվի, որ պատգամավորների մեծամասնությունը սատարի օրենքի փոփոխություններին:
Lib Dem-ի առաջնորդ սըր Էդ Դեյվին ասել է. «Թորիների կառավարությունը ձախողել է ֆուտբոլասերներին՝ սկսած ֆուտբոլի կարգավորիչ ստեղծելու իր խոստումը դրժելուց մինչև ագահ հեռարձակողներին թույլ տալով թաքցնել Պրեմիեր լիգայի խաղերը միլիոնավոր մարդկանցից: Մենք պետք է բարձրացնենք վճարման պատը և Պրեմիեր լիգայի խաղերը վերադարձնենք երկիր: Սկանդալ է, որ երկիրը զրկված է լավագույն թիմերին դիտելու հնարավորությունից»։
Պահպանողական կուսակցության խոսնակն ասաց. Նրանք չեն կարող ստիպել հեռարձակողներին իջեցնել իրենց բաժանորդագրության գները կամ ֆուտբոլային ակումբներին՝ տոմսերն ավելի էժան դարձնելու համար, և կառավարությունը շարունակում է հավատարիմ մնալ ֆուտբոլի անկախ կարգավորող մարմնի ստեղծմանը»:
