Մադրիդի «Ռեալը» որոշ չափով մտահոգված է, թե ինչպես Կիլիան Մբապպեն կարող է ազդել թիմի վրա:
Հարձակվողի տեղափոխությունը մադրիդյան ակումբ ազատ գործակալի կարգավիճակով լիովին համաձայնեցված է և կհայտարարվի երկուշաբթի կամ երեքշաբթի օրը:
Ըստ L’Équipe-ի, ոչ ոք չի կասկածում Մբապպեի տաղանդի և հմտությունների վրա, սակայն Մադրիդի «Ռեալում» ոմանք մտավախություն ունեն, թե ինչպես Կիլիանը կազդի թիմում տիրող մթնոլորտի վրա:
Դա հարցեր է առաջացնում այն մասին, թե որքանով Մբապպեն կկարողանա հարմարվել այն թիմին, որը մեծ հաջողությունների էր հասել նույնիսկ իր ժամանելուց առաջ: Նրանք նաեւ հաշվի են առնում այն հանգամանքը, որ Մբապպեին կդիմավորեն որպես գլխավոր աստղի։ Բացի այդ, նա կստանա Մադրիդի «Ռեալի» պատմության մեջ ամենամեծ աշխատավարձը։
Մադրիդի աշխատակիցները համաձայնել են խոսել թիմում տիրող մթնոլորտի մասին՝ անանունության պայմանով։
«Ես աշխատում եմ ակումբում գրեթե քսան տարի և երբեք նման բան չեմ տեսել: Բոլոր խաղացողները շատ քաղաքավարի են, հարգալից են վարվում, բարեկիրթ են և միշտ ժպտում են։
Մենք զգում ենք, որ թիմում իսկական սիմբիոզ կա։ Նրանք իսկապես հաճույք են ստանում միասին խաղալուց»,- ասել է Մադրիդի «Ռեալի» աշխատակիցը, ով կանոնավոր մուտք ունի հանդերձարան:
Այս առումով Մբապպեի մոտալուտ տրանսֆերը անհանգստացնում է Մադրիդի «Ռեալի» որոշ անձնակազմի։ Այնուամենայնիվ, հանդերձարանում կարծում են, որ Կիլիանի ադապտացիան թիմին լավ կանցնի։ Ֆուտբոլիստները ուրախ են, որ շուտով Մբապպեի հետ խաղալու հնարավորություն կունենան։ Նա համարվում է այն ռմբարկուն, ով պակասում էր թիմին։
