«Ալ-Նասրի» հարձակվող Կրիշտիանու Ռոնալդուն ներողություն է խնդրել չինացի երկրպագուներից այն բանից հետո, երբ իր ակումբը ստիպված է եղել չեղարկել Չինաստանի շրջագայությունը: Պատճառը պորտուգալացու վնասվածքն է։
«Ինչպես գիտեք, ֆուտբոլում որոշ բաներ հնարավոր չէ կառավարել։ Ես ֆուտբոլ եմ խաղում 22 տարի և ֆուտբոլիստ եմ, ով շատ վնասվածքներ չի ունեցել։ Ես շատ տխուր եմ, քանի որ ես և «Ալ-Նասրը» գնում ենք Չինաստան։ Ես Չինաստան եմ գալիս 2003/2004թթ.-ից, ուստի այստեղ ինձ զգում եմ ինչպես տանը, դա իմ երկրորդ տունն է: Ինձ թվում է, որ այստեղ միշտ առանձնահատուկ եմ: Ես վրդովված եմ։ Գիտեմ, որ դուք նույնպես տխուր եք, հատկապես նրանք, ովքեր սիրում են ինձ, բայց մենք պետք է լավ կողմը նայենք:
Հանդիպումը չեղարկված չէ, մենք ցանկանում ենք վերադառնալ այստեղ և խաղալ այն։ Ցավոք սրտի, ես որոշ խնդիրներ ունեմ, բայց սա ֆուտբոլի և իմ կյանքի մի մասն է: Ես այստեղ եմ, երկրպագուների հետ եմ, չինացիների հետ եմ, և մենք կշարունակենք խաղալ այստեղ: Մենք տեսնում ենք մարդկանց, ովքեր մեզ հետ են։ Մենք տխուր ենք, քանի որ գիտեինք, որ դա կարող է տեղի ունենալ: Մենք կվերադառնանք, որպեսզի ուրախացնենք չինացիներին, դա է իմ նպատակը։ Ես ուզում եմ խաղալ քեզ համար: Մի տխրիր, քանի որ ես տխուր եմ, և հուսով եմ, որ հասկանում ես, թե ինչ պայմաններում ենք մենք գտնվում»,- Ռոնալդուի խոսքերն է մեջբերում Goal-ը։
Տուրի շրջանակներում «Ալ-Նասրը«» պետք է խաղար «Շանհայ Շենհուայի» և «Չժեցզյանի» հետ:
