Իսպանիայի առաջնության հինգերորդ տուրի շրջանակներում Մադրիդի «Ռեալը» ընդունել էր «Ռեալ Սոսյեդադին»։
«Լոս Բլանկոսը» հաղթեց 2։1 հաշվով։ Իտալացի մասնագետ Կառլո Անչելոտտիի համար այս հաղթանակը 173-րդն էր մադրիդյան գրանդի ղեկին։ Նա այս ցուցանիշով շրջանցել է ֆրանսիացի Զինեդին Զիդանին ու այժմ երկրորդ տեղում է։ Անչելոտտին զիջում է միայն Միգել Մունոսին, ով «արքայական» ակումբի գլխավորությամբ 357 հաղթանակ է տարել։
64-ամյա իտալացին Մադրիդի «Ռեալ» է վերադարձել 2021 թվականի ամռանը։ Կողմերի միջև գործող պայմանագրի ժամկետը նախատեսված է մինչև 2023/24 մրցաշրջանի ավարտը։
