«Վիլյառեալի» պաշտպան Պաու Տորեսը մոտ է «Ասթոն Վիլա» տեղափոխվելուն, հայտնում է լրագրող Ֆաբրիցիո Ռոմանոն:
Աղբյուրի համաձայն՝ անգլիական ակումբի ղեկավարությունը 26-ամյա իսպանացու համար կվճարեն 35-40 մլն եվրո, իսկ պայմանագիրը հաշվարկվելու է մինչև 2028 թվականի ամառ։ Մոտ ժամանակներս ֆուտբոլիստը բուժզննում կանցնի։
2022/23 մրցաշրջանում Տորեսը «Վիլյառեալի» կազմում անցկացրել է 39 հանդիպում՝ դառնալով մեկ գոլային փոխանցման հեղինակ։ Portal Transfermarkt-ը նրա արժեքը գնահատում է 45 միլիոն եվրո։
