Մադրիդի «Ատլետիկոն» և «Յուվենտուսը» կարող են փոխանակվել հարձակվողներով, հայտնում է La Gazzetta dello Sport-ը: «Ատլետիկոն» հետաքրքրված է սերբ հարձակվող Դուշան Վլահովիչի ծառայություններով։

Աղբյուրի համաձայն՝ մադրիդյան ակումբը պատրաստ է առաջարկել Մորատային, ով արդեն խաղացել է «Յուվենտուսի» կազմում։ Բացի այդ, «Ատլետիկոն» պատրաստվում է հավելյալ վճարել «Յուվենտուսին», որպեսզի հեշտացնի ֆուտբոլիստի պայմանագիրը։

Մորատան «Յուվենտուսում» խաղացել է երկու անգամ՝ 2014-2016 թվականներին և 2020-2022 թվականներին։

Ընթացիկ մրցաշրջանում 30-ամյա իսպանացին «Ատլետիկոյի» կազմում անցկացրել է 44 հանդիպում՝ դառնալով 15 գոլի և 3 գոլային փոխանցման հեղինակ: Portal Transfermarkt-ը նրա արժեքը գնահատում է 25 միլիոն եվրո:

Վլահովիչը «Յուվենտուսում» հանդես է գալիս նախորդ տարվա հունվարից: Ֆուտբոլիստի պայմանագիրը թուրինցիների հետ ավարտվում է 2026 թվականի ամռանը։