«Մադրիդի Ռեալի» կիսապաշտպան Լուկա Մոդրիչին դուր չի գալիս, որ անընդհատ խոսվում է իր տարիքի մասին։

Marca թերթում հայտնված տեղեկությունը, որ Ջուդ Բելինգհեմի տեղափոխության դեպքում «Մադրիդի Ռեալը» կմտածի Մոդրիչի հետ պայմանագիրը երկարաձգելու մասին, վիրավորել է խորվաթի հպարտությունը։

Լուկան որոշեց պատասխանել խաղադաշտում և դրանից հետո գոլ խփեց «Էլչեի» դեմ խաղում (4:0) փոխարինման դուրս գալուց հետո, իսկ երեկ «Լիվերպուլի» դեմ խաղում (5:2) երկու գոլի մասնակցեց։

Ըստ Marca-ի՝ Մոդրիչը վիրավորված է, որ բոլորը պարբերաբար քննարկում են իր տարիքը։ Նա հասկանում է, որ սեպտեմբերին կդառնա 38 տարեկան, բայց կարծում է, որ լավ է պատրաստված ու չի կարծում, որ նոր պայմանագրի քննարկման համատեքստում իր տարիքի մասին խոսելն արդարացի է։

Այս մրցաշրջանում կիսապաշտպանը բոլոր մրցաշարերում «Մադրիդի Ռեալի» կազմում անցկացրած 32 խաղում դարձել է 6 գոլի և 3 գոլային փոխանցման հեղինակ։