«Լացիոյի» հարձակվող Չիրո Իմոբիլեն Ա Սերիայի լավագույն ռմբարկուների ցուցակում բարձրացել է 8-րդ հորիզոնական։

32-ամյա իտալացին դուբլի հեղինակ է դարձել 23-րդ տուրի «Սալերնիտանայի» դեմ խաղում (2:0):

Իմոբիլեն շրջանցել է Կուրտ Համրինին (190 գոլ): Միայն յոթ ֆուտբոլիստ են նրանից ավելի շատ գոլ խփել՝ Ռոբերտո Բաջոն (205), Անտոնիո Դի Նատալեն (209), Խոսե Ալտաֆինին և Ջուզեպպե Մեացան (216-ական), Գունար Նորդալը (225), Ֆրանչեսկո Տոտտին (250) և Սիլվիո Պիոլան (274):