«Չելսիի» հարձակվող Ժոաու Ֆելիշը «Վեսթ Հեմի» դեմ խաղից հետո խոսել է լրագրողների հետ։
«Ես շատ էի ցանկանում խաղալ, և որակազրկման պատճառով այդքան երկար բացակայելը հեշտ չէր: Ափսոս, որ չհաղթեցինք, բայց «Չելսիի» կազմում առաջին գոլը խփելն իսկապես ուրախ պահ է ինձ համար։ Համոզված եմ, որ հաջորդ խաղն ավելի լավն է լինելու:
Մենք լավ թիմ ունենք, վաղ թե ուշ հաջողության կհասնենք։ Այժմ մենք պետք է կենտրոնանանք Չեմպիոնների լիգայի «Բորուսիայի» դեմ խաղի վրա։ Մենք ցանկանում ենք հաղթել մրցաշարում, և պետք է մեր ճանապարհը սկսենք հաղթանակով»,- հարձակվողի խոսքերն է մեջբերում «Չելսիի» պաշտոնական կայքը:
