Խորվաթիայի հավաքականի գլխավոր մարզիչ Զլատկո Դալիչը հայտարարել է, որ Արգենտինայի դեմ Մունդիալի կիսաեզրափակիչի սպասվելիք խաղում մրցակցի ավագ Լիոնել Մեսսիի նկատմամբ անհատական վերահսկողություն չեն սահմանի խաղադաշտում:
«Լիոնել Մեսսիի նկատմամբ անհատական վերահսկողություն չենք սահմանի։ Նա շատ է սիրում տեղաշարժվել խաղադաշտում, ուստի մենք պետք է կազմակերպված ու կարգապահ խաղանք պաշտպանությունում»,- խորվաթ մասնագետի խոսքը մեջբերում է ITASportPress-ը:
Հիշեցնենք, որ Արգենտինա – Խորվաթիա հանդիպումը տեղի կունենա դեկտեմբերի 13-ին և կմեկնարկի Երևանի ժամանակով 23:00-ին:
