«Լացիոյի» հարձակվող Չիրո Իմոբիլեն մեկնաբանել է Եվրոպա Լիգայի խմբային փուլի 2-րդ տուրի արտագնա խաղում «Միդտյուլանդից» կրած ջախջախիչ պարտությունը (1:5):
«Ես զգում եմ, որ պետք է ներողություն խնդրել երկրպագուներից, ովքեր այս ամբողջ ճանապարհով եկել են Հռոմից մինչև այստեղ: Վաղը մենք կվերանայենք այս հանդիպումը և կորոշենք, թե ինչը չէր մեզ բավականացնում, ինչը հանգեցրեց նման արդյունքի։
Պարզ ասած՝ մենք պարզապես խաղադաշտում չէինք։ Մենք թերագնահատեցինք այս հանդիպման բարդությունը, և այս մակարդակում դու վճարում ես դրա համար: Մենք ուզում էինք մի քայլ առաջ անել, փոխարենը 10 քայլ հետ գնացինք։
Մենք շատ գործ ունենք անելու։ Մենք կարծում էինք, որ կայունություն ունենք, բայց հիմա նորից կորցրինք այն»,- ասել է Իմոբիլեն Sky Sport Italia-ին տված հարցազրույցում։
