Մադրիդի «Ռեալի» գլխավոր մարզիչ Կառլո Անչելոտտին խոսել է կիսապաշտպան Ֆեդերիկո Վալվերդեի առջև դրած նպատակի մասին։

«Ես Վալվերդեին ասացի, որ եթե նա այս մրցաշրջանում չխփի առնվազն 10 գոլ, ես կպատռեմ մարզչական լիցենզիան և կհեռանամ։ Նա շատ եռանդուն է։ Բայց որպեսզի ասենք, որ նա լավագույնն է աշխարհում իր դիրքում, պետք է մի քիչ էլ սպասել»,- Անչելոտտիի խոսքը մեջբերում է Mirror-ը:

Վալվերդեն ճանաչվել է Չեմպիոնների Լիգայի խմբային փուլի 2-րդ տուրի «Լայպցիգի» դեմ խաղի (2:0) լավագույն ֆուտբոլիստ։ 24-ամյա ուրուգվայցին այս հանդիպմանը դարձավ հաղթական գոլի հեղինակ։