Լա Լիգայի նախագահ Խավիեր Տեբասը ասել է, որ իսպանական ակումբները նվաճած եվրագավաթների թվով գերազանցում են անգլիական ակումբներին։
«Իսպանիան 21-րդ դարում 37 եվրոպական գավաթ է նվաճել, իսկ Անգլիայի Պրեմիեր Լիգան ներկայացնող ակումբները ընդհամենը՝ 13 գավաթ։ Դա պետք է հաշվի առնել:
Պետք է վերլուծել ֆուտբոլի ֆինանսական կողմն ու այնպես աշխատել, որ ղեկավարման հարցում թերացումներ չլինեն։ Մենք պետք է պայքարենք դրան հասնելու համար»,- Տեբասի խոսքը մեջբերում է Marca-ն։
