«Բարսելոնայի» գլխավոր մարզիչ Չավին խոսել է Ֆրանկֆուրտի «Այնտրախտի» դեմ Եվրոպայի Լիգայի պատասխան խաղի մասին։
«Մենք պետք է աշխատենք, թե ինչպես չկորցնել գնդակը: Մենք պետք է խաղանք մեր երկրպագուների առաջ, և այս գործոնը մեր օգտին կլինի։ Արդարացումներ չեն կարող լինել։
Մենք «Բարսելոնան» ենք՝ ամենամեծ հավակնություններ ունեցող ակումբը։ Պետք է հաղթենք ու լավ ֆուտբոլ ցուցադրենք։ Մենք հույս ունենք հաղթել Եվրոպա Լիգայում. այդ մրցաշարի գավաթը միակ տիտղոսն է, որը չկա ակումբի հավաքածուում»,- Չավիի խոսքերն է մեջբերում ՈւԵՖԱ-ի մամուլի ծառայությունը։
«Բարսելոնա» – «Այնտրախտ» պատասխան հանդիպումը կկայանա ապրիլի 14-ին Բարսելոնայում: Առաջին հանդիպման արդյունքը 1:1 է։
