Հարձակվող Կիլիան Մբապպեն կարող է երկարաձգել պայմանագիրը ՊՍԺ-ի հետ։ Առանցքային գործոններից մեկը ակումբի գլխավոր մարզչի անհատականությունն է։ Եթե թիմը գլխավորի Զինեդին Զիդանը, ապա աշխարհի չեմպիոնը պատրաստ կլինի կարճաժամկետ պայմանագիր կնքել ակումբի հետ, տեղեկացնում է լրագրող Ֆաբրիս Հոկինսը։
Ավելի վաղ հաղորդվում էր, որ փարիզյան ակումբը պատրաստ է հարձակվողին 150 մլն եվրո վճարել հաջորդ երկու մրցաշրջանների համար։ Կողմերի միջև գործող համաձայնագրի ժամկետը լրանում է այս ամռանը:
Ընթացիկ մրցաշրջանում 23-ամյա ֆրանսիացին ընդհանուր առմամբ մասնակցել է 38 խաղի և իր ակտիվում ունի 28 գոլ և 20 ասիստ:
