«Լիվերպուլի» նախկին ֆուտբոլիստ Ջոն Օլդրիջը խոսել է հարձակվող Մոհամեդ Սալահի մարզավիճակի մասին։
«Դատելով նրա մարզավիճակից՝ Մոն մեկնարկային կազմում չի լինի: Որքան էլ որ նա լավը լինի, որքան էլ նա հիանալի է, որքան էլ մենք սիրում ենք Սալահին, Մոհամեդն իր ներկայիս մարզավիճակում դժվարություններ ունի: Մարդիկ կարող են ասել, որ նրա մոտ ամեն ինչ կարգին է, բայց պայմանագրային իրավիճակը միայն ցավ է պատճառում։ Նա 6 շաբաթ է՝ գոլ չի խփում խաղից, Սալահը պարզապես իրեն նման չէ»,- ասել է Օլդրիջը Sky Sports News-ին:
Վերջին անգամ Սալահը գոլ է խփել փետրվարի 19-ին Անգլիայի առաջնության 26-րդ տուրի «Նորվիչի» դեմ խաղում (3:1): 29-ամյա եգիպտացու պայմանագիրը «Լիվերպուլի» հետ ավարտվում է 2023 թվականի հունիսին։
