«Ռեալն» ու «Բարսելոնան» թիրախավորել են «Այաքսի» վինգեր Անտոնիին:
Calciomercato-ի հաղորդմամբ, կատալոնացիներն արդեն բանակցում են հոլանդական ակումբի հետ, սակայն պաշտոնական առաջարկ դեռ չեն արել:
Իր հերթին մադրիդցիները պատրաստ են խոշոր գումար առաջարկել արդեն առաջիկա ամռանը:
Transfermarkt պորտալը 22-ամյա բրազիլացու տրանսֆերային արժեքը գնահատում է 35 մլն եվրո:
Ընթացիկ մրցաշրջանում «Այաքսի» կազմում Անտոնին անցկացրել է 33 հանդիպում, դարձել 12 գոլի և 10 գոլային փոխանցման հեղինակ:
