«Բարսելոնայի» ներկայացուցիչները կրկին հանդիպել են թիմի ֆրանսիացի վինգեր Ուսման Դեմբելեի գործակալի՝ հետ տեղեկացնում է Mundo Deportivo-ն:
Աղբյուրը նշում է, որ հանդիպման ընթացքում կողմերի դիրքորոշումները չեն փոխվել:
Կատալոնական ակումբը ցանկանում է երկարաձգել Դեմբելեի գործող պայմանագրի ժամկետը, որը կավարտվի ամռանը:
Հաղորդվում է, որ բանակցությունները կշարունակվեն. տեղի կունենա ևս 1 հանդիպում ակումբի ներկայացուցիչների և Դեմբելեի գործակալի միջև:
Ենթադրվում է, որ Դեմբելեն ցանկանում է ստանալ տարեկան 20 մլն եվրո աշխատավարձ, այդ պահանջի կատարումը կատալոնական ակումբի համար գրեթե անհնարին է։
Ակումբում կարծում են, որ դժվար կլինի համաձայնության գալ՝ հաշվի առնելով «Բարսելոնայի» ներկայիս ֆինանսական վիճակը։
