«Միլանի» հարձակվող Զլատան Իբրահիմովիչը չի մասնակցի Իտալիայի առաջնության 24-րդ տուրի «Ինտերի» հետ հանդիպմանը։ Այս մասին հայտնել է «ռոսոներիների» գլխավոր մարզիչ Ստեֆանո Պիոլին։
«Մենք մեր տրամադրության տակ չենք ունենա Զլատանին, Տոմորին մեծ աշխատանք է կատարել, կարծում եմ՝ նա կլինի հայտացուցակում, թեև կարող է առաջին րոպեներից խաղադաշտ դուրս չգալ։ Օլիվյե Ժիրուն մեզ համար կարևոր ֆուտբոլիստ է և նույնպես պատրաստ է խաղալ։
Ցավում ենք, որ Իբրան խաղադաշտ դուրս չի գա։ Մենք շատ առումներով կատարելագործվել ենք նրա շնորհիվ, բայց հիմա առանց նրա էլ պետք է ցույց տանք մեր ուժեղ կողմը։
Պետք է կամքի ուժ ունենանք, հատկապես դժվար պահերին»,- Պիոլիի խոսքերն է մեջբերում «Football Italia»-ն։ Ավելի վաղ նշվում էր, որ Զլատանը մկանային ցավեր ունի:
