Բիլբաոյի «Ատլետիկի» գլխավոր մարզիչ Մարսելինոն մեկնաբանել է Իսպանիայի գավաթի 1/4 եզրափակչում Մադրիդի «Ռեալի» նկատմամբ տարած հաղթանակը (1:0): Մրցաշարի նախորդ փուլում բասկերը առավելության էին հասել «Բարսելոնայի» նկատմամբ:
«Ես շատ ուրախ եմ, հպարտ եմ ֆուտբոլիստների աշխատանքով և երկրպագուների աջակցությամբ: Շատ դժվար է հերթով պայքարից դուրս թողնել «Բարսային» և «Ռեալին», բայց մենք դեռ երկար ճանապարհ ունենք անցնելու։
Այն, որ մենք հաղթեցինք այս երկու մեծագույն ակումբներին, չի նշանակում, որ մենք եզրափակչում ենք լինելու»,- 56-ամյա մասնագետի խոսքերն է մեջբերում AS-ը:
